Kêng măng nđaơ (13/5) ta Ngih Trung ương Đảng, Tổng Bí thư Tô Lâm ƀư tơm rơh rƀŭn bah Ban Bí thư mpeh nău mbơh ƀư n’hanh nu nău sŏk nău rgop ƀon lan, ăp nău kan ăp gưl mpeh Dự thảo nkra rgâl, ntop tay du đêt điều bah Hiến pháp 2013. Tĭng nkô̆ nău mbơh n'hanh rgop nău tâm nchră bah ăp đồng chí Ủy viên Ban Bí thư, n’glôn jêh rơh rƀŭn, Tổng Bí thư Tô Lâm lah rjăp, đă ntrôl dăng nău kơt dŏng mrô dŏng khoa học công nghệ tâm rnôk sŏk nău rgop nuĭh ƀon lan, ăp ngih pah kan dơi kan pă an ƀư uĕh nău rgum lĕ tŏng ăp djôt dơn di nkô̆ nău ƀon lan rgop, mbơh an Quốc hội uănh mĭn tay n’hanh an ntrŭnh.

Gêh tât du đêt nkô̆ nău mpeh ƀư tĭng Nghị quyết 18 bah Trung ương mpeh rgâl mhe tay, dăp n’gâng kan bah trong chính trị đêt, dơh ngăch, tŏng ăp, pah kan tam, săk rnglăy, Tổng Bí thư đă, Chính phủ n’hanh ăp n’gâng kan geh tât rgum tâm pă gưl, tâm pă nău kan gay tâm rnôk mbơh ƀư tĭng nuih n’hâm lah rgum ƀư dŭt n’hâm ndăn an rgâl bôk năp mpeh nău mĭn gay ăp ntŭk mbơh ƀư tĭng gay lĕ n’gâng kan ƀĭt joet bah Trung ương tât n’gor ƀư tĭng di đah nău dơi pah kan dơi jao.