VOV4.M’nông: Kêng măng 17/8, lŏ rơh rƀŭn tal 2, Uỷ ban Rnâng kan Quốc hội rgop nau mpeh nau kan, nau dơi ndrel ntrong rƀŏng pă nau nchrăp trok dŏng tơm prăk Ngih dak năm 2022. Du nau kan geh âk nŭih rgop nau nchră ta rơh rƀŭn lah nau kan geh ngăn. Chính phủ đă, ăp rmôt kan ƀư nau kan mpeh tơm prăk, nau geh bah du đê̆ ntŭk kan mra lŏ geh ƀư tâm năm 2022 ân tât rnôk ƀư nau kan rgâl mhe prăk khay tâm khay 7/2022.

Uỷ ban tơm prăk đă Chính phủ mbơh ân kloh lơn tay gay đăp mpăn nau dơi ndrel tâm di đah nau kan nkô̆ nau ƀư rgâl mhe nau trok prăk ndrel ăp nkô̆ nau nchrăp mpeh nau kan, nau dơi, rnoh prăk ntop dŏng ƀa ƀơ bah ăp rơh ƀư đăp mpăn tơm prăk 2022-2025. Mpeh nau kan aơ, Kruanh Quốc hội Vương Đình Huệ lah rjăp, nau ntrŭnh bah Trung ương hŏ lah rjăp nau nchrăp ƀư rgâl mhe mpeh prăk khay ân geh ƀư tâm lơ 1/7/2022, tĭng nê, ăp nau kan êng kŏ ân geh jăng lơi./.

Nŭih rblang: H’Thi