VOV4.M’nông: Ntŭk kan trong trôk Việt Nam (tâm viện Hàn lâm Khoa học ndrel công nghệ Việt Nam) mbơh: Tĭng nau mbơh bah ntŭk kan Trong trôk Nhật Bản (JAXA), nar păng mhe bah vệ tinh NanoDragon “Made in Vietnam” yor ăp nŭih kan khoa học ndrel Công nghệ Việt Nam nkra mra lah lơ 7/10 tât. Nchrăp ntơm 7h51 mnĭt tât 7h55 mnĭt, ntơm bah ntŭk kan bah Tơm bah trong trôk Uchinoura, Nhật Bản. Vệ tinh NanoDragon lah vệ tinh geh Ntŭk kan Trong trôk bah Việt Nam ê nkra. Bah nau mĭn, nkra, rgum, rlong nau blau ueh vệ tinh geh dơi ƀư ta Việt Nam, yor ăp cán bộ ƀư nau kan mĭn njêng bah Ntŭk kan mĭn nau trong trôk Việt Nam. Vệ tinh NanoDragon geh nkra đah nkô̆ nau rgum nau uănh năl êng tă bah duk tâm dak lêng, dŏng ân nkô̆ nau ŭch uănh n’ôi ăp duk mpan klơ dak lêng. Aơ lah vệ tinh tâm nau kan gay ƀư hun hao vệ tinh jê̆ “Made in Vietnam” bah Ntŭk kan nkra mĭn njêng mpeh trong trôk Việt Nam gay ƀư “Nau kan hun hao ndrel kơt dŏng khoa học ndrel công nghệ trong trôk tât năm 2030” hŏ geh Thủ tướng Chính phủ ân dŏng tâm lơ 4/2/2021./.

Nŭih rblang: H’Thi