VOV4.M’nông – Kêng măng 14/10, ta Jay Quốc hội, Kruanh Quốc hội Vương Đình Huệ n’hanh Bí thư Ban cán sự Đảng Chính phủ, Thủ tướng Chính phủ Phạm Minh Chính lĕ ƀư tơm rƀŭn nchră đah Đảng đoàn Quốc hội n’hah Ban cán sự Đảng Chính phủ mpeh nău nchrăp rơh rƀŭn tal 2, Quốc hội khóa 15 (nchrăp ntơm ƀư nar 20/10).

Ntŭk rƀŭn nchră

Ntoh ngơi n’glôn jêh rƀŭn nchră, Kruanh Quốc hội Vương Đình Huệ an gĭt, tât aƀaơ, lĕ rngôch ăp nău kan nchrăp an rơh rƀŭn tal 2 lĕ jêh đah nău tâm ban ŭch, tâm ban ŭch dŭt âk. Kruanh Quốc hội đă đŏng, Kruanh Quốc hội, chính phủ, Ngih phat dôih ƀon lan gưl prêh, Viện Kiểm sát ƀon lan gưl prêh, Ủy ban Trung ương MTTQ Việt Nam, 4 Văn phòng Trung ương ntĭm rđău tay ăp ngih pah kan tâm rgop rjăp nsum tâm rnôk ƀư rơh rƀŭn tal 2 gay ơm mkra ăp nău dơi ntoh. Kruanh Quốc hội Vương Đình Huệ lah trong kan nchrăp an rơh rƀŭn tal 2 mô dơi thơ tha, an đăp mpăn dŭt n’hâm njrăng n’gang srê, đăp mpăn rnă njrăng n’hanh trong kan mbơh nkoch nău mhe.

Nuĭh rblang: Y Sưng Phê Ja