VOV4.M’nông: Lah rjăp ta rơh rƀŭn ôi lơ 25/10 mpeh nau nchrăp rdâng đah phŭt sial dak lip, nchrăp mra jêng phŭt, wa Trần Quang Hoài, Groi Kruanh Rnâng kan rđau nau kan neh dak mpeh nau njrăng rdâng trôk nar lơh đă ăp nkuăl ân ndal rklaih ăp nau khuch bah mih dak lip tâm rơh rlau aơ ndrel mô ân duk hăn tât ăp nkuăl geh nau khuch bah phŭt. Lŏ nkah mpeh rnoh mih têh tă bah Thừa Thiên Huế tât Khánh Hoà kŏ kơt lah mih têh, sial dăng tâm Ninh Thuận, Bình Thuận, Tây Nguyên ndrel Nam bộ, ăp ntoh măt đă lŏ ndal rklaih ăp nau khuch bah mih dak lip rơh rlai aơ ngăn lah rluh neh tâm trong hăn ndrel ân ơm ân ndeh hăn trong jâng ndrel trong loih Bắc –Nam nâm ơm. Đah phŭt têh ân geh nchrăp der, ngăn lah ăp duk mpan dôl ma hăn joi ka tâm nkuăl khuch. Ăp n’gor ân geh uănh khlay nau đăp mpăn ân ƀon lan tâm nkuăl geh dak lip, der nau khuch bah phŭt sial ƀư nau thơ tha mô ueh tâm ƀon lan./.

Nŭih rblang: H’Thi