VOV4.M’nông: Lơ 15/10, Đại tướng Tô Lâm, Kruanh N’gâng kan Công an ƀư tơm nar tâm mâp măt bah 400 cán bộ n’hao leo kan ƀư Công an xã nkuăl n’har bri tơm, jêrr mpeh nau rnă njrăng, đăp mpăn. Ƀư nau ntrŭnh n’hao rmôt kan cán bộ ƀư nau kan tâm lơh, rƀŏng tât tâm dâng, ndâk tay ân nâp rmôt cán bộ ăp gưl Công an ndrel ndâk Công an xã chính quy, N’gâng kan công an hŏ ntrŭnh nau nchrăp leo cán bộ dôl pah kan tâm ăp rmôt kan bah rmôt tâm N’gâng kan Công an tât pah kan tâm Công an xã nkuăl n’har bri dôl geh nau jêr mpeh nau mât rnă njrăng đăp mpăn.

Ntoh nau ta nar mâp măt, Kruanh n’gâng kan Tô Lâm lah rjăp, nau ntrŭnh rđau cán bộ mô knŭng gay n’hao nau kan, ntop tay rmôt kan ân Công an ma hôm lah rnôk gay ma pơk trong nơih gay ăp nŭih ƀư kan công an geh tay nau blau, chiăr nti, ntul rlong, ntop tay nau blau kan ngăn. Kruanh n’gâng kan đă cán bộ geh leo kan tâm Công an xã n’har bri ân geh ƀư ndal rklaih nau jêr, ơm tâm rnglăp nsum ma ntŭk pah kan mhe ndrel ntơm pah kan ƀư nau kan geh jao./.

Nŭih rblang: H’Thi