VOV4.M’nông – Sam ƀŭt ngăch mpeh nău nta nơih an nău gĭt tơm prăk rwăt ba, phe ndoh ndơ tă bah Kruanh n’gâng kan Công thương Nguyễn Hồng Diên ký nar 12/8/2021 nkoch kloh: Gay rgop ntop kơl an ăp nuĭh rwăt, doanh nghiệp, nuĭh srih tăm, tăch rgâl ba, phe tâm rnôk srê Covid-19, Ngân hàng Ngih dak Việt Nam lĕ geh sam ƀŭt dăn đă ăp Ngân hàng thương mại n’hanh Ngân hàng ngih dak gŭ ta ăp n’gor, nkual ƀon têh nkual Dâng rđŭng dak me Cửu Long đah âk trong ƀư. Yơn lah, tă bah trong kan uănh nđôi nu nău ntŭk tăch rwăt n’hanh nău mbơh tâm nchră đah Hiệp hội ba, phe Việt Nam n’hanh ăp nuĭh tăch rgâl nkra njêng phe, nău gĭt tơm prăk tĭng sam ƀŭt mrô 5747 mô hŏ dơi geh nơih. Gay nta nơih lơn tay an ăp doanh nghiệp tâm nău gĭt tơm prăk rwăt phe, ba an nuĭh ƀon lan, N’gâng kan Công Thương dăn đă Thủ tướng Chính phủ jao Ngân hàng Ngih dak Việt Nam uănh mĭn tay, ntĭm rđău ăp Ngân hàng thương mại geh ntop đêt đah prăk kon an ăp doanh nghiệp; n’hanh nta nơih an ăp doanh nghiệp dơi nchăm manh prăk đah drăp ndơ geh rwăt rgum.

Nŭih rblang: Y Sưng Phê Ja