VOV4.M’nông – Ôi 19/9, N’gâng kan dak si na nê̆ mbơh mpeh nău Hội đồng đạo đức ngih dak tâm gŭ mĭn njêng y sinh học ngih dak lĕ mbơh jêh n’gul rơh rlong bôk năp lvang 3 vaccine Nanocovax, nkre an gĭt, vaccine aơ geh tam đăp mpăn n’hanh dơi chŏl nău ji yơn aƀaơ mô hŏ geh rnoh mrô gay uănh lah na nê̆ tam mât njrăng. Tĭng nĕ, Hội đồng đạo đức tâm gŭ mĭn njêng y sinh học ngih dak lĕ rƀŭn uănh lah jêh n’gul gâl rlong bôk năp lvang 3 vaccine Nanocovax đah jêh mĭn njêng kơp tât nar 2/9/2021. Mpeh tam mât njrăng (geh tam khlay ngăn mpeh nău tam), tât rnôk aƀaơ hin, mô hŏ geh rnoh mrô gay uănh na nê̆ tam mât njrăng bah vaccine Nanocovax nsing tâm rnoh nuĭh ntưp Covid-19 tâm mĭn njêng, an ƀư tĭng uănh lah rjăp mpeh tam mât njrăng tĭng đề cương dơi uănh an.

Nuĭh rblang: Y Sưng Phê Ja