VOV4.M’nông: Rlau 5 năm ma aơ, Đồn biên phòng mpông n’har dah dak ba dih Lệ Thanh, tâm N’gâng kan rđau kan tahen Biên phòng Gia Lai ho\ [ư nau gâm sa ăp nar ân kon se hăn nti rnoi mpôl đê| geh nau rêh jêr jo\t tâm ngih u\nh gay leo tât ta ngih săm [u\t. Năm rlau aơ, nau kan aơ ho\ geh rnê tâm bôk nau kan “Nsum n’hâm ndrel nai nti, n’hao nhoat jâng kon se hăn nti” ndrel geh Bộ tư lệnh tahen Biên phòng đă [ư rêng tâm lam rmôt.

            Oh Rơ Mah H’Win, kon se nti jrâu 6, ngih săm [u\t THCS Nguyễn Trãi, ta Thôn Mook Đen 2, xã Ia Dom, nkuăl Đức Cơ, n’gor Gia Lai rêh kon đơi  ntơm rnôk ê tât du năm. Mbơ\ păng hăn so\k ur mhe, lơi êng 3 nu\ih oh nur H’Win tâm răk êng săk tâm nau rêh. Ndul sa ê hơm, năm jrâu 2, oh H’Win u\ch lơi nti, hăn [ư mir tăm bum, tăm mbo đah nô păng. Yơn lap lah, H’Win geh ăp tahen biên phòng tât ta ngih gay ma bonh ndrel rong ân sông piăng di\ng nar ta Đồn gay oh geh hăn nti. Rlau 5 năm ma aơ, H’Win mô êng đăp mpăn nau hăn nti, ma âk năm mro lah kon se nti blau bah jrâu nti, ma hôm nti geh âk nau ueh, nau di tă bah ăp kônh tahen Biên phòng. H’Win nkoch:

            ‘ Ăp ndơ sa ta aơ kah ngăn, âk ndơ sa ta ngih hên mô geh ôh, ma ta aơ ri ăp kônh [ư ân hên sa, kơt lah puăch ndrel tăp. Ăp kônh nti hên, rnôk ta ta aơ ri gay mbah bu têh, mbah băl nơm, mbah nai nti, dăn ăp kônh lor ma [ư du nau kan”.

            Ntơm bah rnôk knu\ng geh 9 kon se, a[aơ ta aơ dôl ma ndưn mât ân sông nar ân 14 kon se, jê|, lah kon bah rnoi Jarai geh nau rêh jer ngăn tâm nkuăl. Gay mât ntu\k gâm sa, ăp khay, ăp rđau kan tâm đồn so\k êng 200 rbăn, ăp sĩ quan ri ân êng 100 rbăn/du hê tă bah prăk khay bah nơm. Kơp ntơm khlay 6 năm 2012 tât nrôk aơ, rnoh prăk gay mât ndơ gâm sa ho\ hao 400 rkeh. Yơn nau khlay lơn lah, tât đah ngih gâm sa aơ, ăp mon jê| mô geh nau prêng, êng nau ngêt sa ân to\ng kah ân ăp mon, ăp tahen biên phòng mro njêng kơt nau ueh tâm rnăk vâl gay ma mât chăm, nti\m mbơh kon se. Ti\ng nê, ăp mom geh ti\ng nti ăp nau ueh tâm nau reh ăp nả, nau gu\ âm. Tâm năm nti mhe, ăp kon se geh pă ka-ta, săm [u\t mhe, lôch năm nti ri lah geh nti blau ko\ geh rnê nkhom ndrel hăn pâl tât ăp ntrong mpông n’gâng đah dak ba dih gay ma joi gi\t mpeh nau [ư tơm n’har bri bah neh dak nơm.

            Êp nê, đồn hôm đă cán bộ uănh nau nti bah ăp kon se, ntơm bah nê, tâm rgop nsum n’hêl đah ngih săm [u\t tâm nau mât rnoh kon se hăn nti. Nai Nguyễn Thị Kim Yến, Groi hiệu trường ngih săm [u\t THPT Nguyễn Trãi, xã Ia Dom, nkuăl Đức Cơ ngơi:

            ‘Kơt lah, nar aơ mô saơ kon se hăn nti ri phung hên kuăl điện tât, ăp kônh tahen bu kơl năn. Tal bar, saơ ăp mon geh nau gơih nti, nau mbơh ngơi ueh, nau tâm mâp đah băl bên ueh, răk kloh răk jăn ân nơm”.

            Jêh rlau 5 năm geh mât, hun hao, tâm lôch năm 2017 mhe rlau, nau kan [ư ngih sâm sa bah Đồn biên phòng n’har bri đah dak ba dih Lệ Thanh ho\ geh rvê nhkôm ta rơh r[u\n bôk nau kan “Kơl n’hâm ân nai nti, n’hao nhoat jâng ân oh tât ngih nti” yor tahen Biên phòng, N’gâng kan nti\m nti ndrel Trung ương rmôt druh ndăm [ư. Nkre, N’gâng kan tahen Biên phòng hôm rnê aơ lah nau kan geh n’hâm rêng, geh nau khlay ngăn ndrel gay ma kơt ti\ng tâm lam rmôt. Wa Hồ Đình Ký, Groi bí thư Đảng uỷ xã Ia Dom, nkuăl Đức Cơ, ngơi:

            “ Ntơm bah ntơm tât rnôk aơ, ăp đồng chí ho\ [ư ti\ng ueh ngăn nau kan kơl an ăp on sa, nti, n’huch âk nau kan kon se lơi nti tâm nkuăl. Ngăn lah dah kon se tâm rnăk ach o, âk kon se ho\ têh jêng, ho\ hao tât jrâu 10, ăp oh ho\ hăn nti trung cấp. Nau tâm grop nê ho\ pơk luh nau nsôih ân ăp oh, ko\ kơt lah nau ndơn saơ bah [on lan đah rmôt tahen biên phòng”./.

Nu\ih rblang: H’Thi