VOV4.M’nông – Tât aƀaơ hôm e tât 7 rkeh 600 rbăn nglai chuh njrăng n’gang Covid-19 tâm rmôt vũ trang n’hanh nuĭh ƀon lan mô hŏ dơi nglăp tâm trong uănh nđôi khuch tât nău pă an hộ chiếu vaccine n’hanh ngăch rgâl mrô neh dak. Nĕ lah nău mbơh dơi nkoch ta Rbŭn nchră trực tuyến lam dak mât uănh nău “ƀư kloh” dữ liệu chuh vaccine njrăng n’gang Covid-19 yor N’gâng kan dak si tâm rgop đah N’gâng kan Công an ƀư ôi 26/4, ta Hà Nội. Nkô̆ nău jêng tât nău mhe nkoch lah yor ăp ntŭk chuh mô uănh tŏng ăp nău mbơh bah nuĭh chuh vaccine Covid-19 tâm trong uănh nđôih. Nău mbơh tâm dữ liệu bah trong chuh mô tâm ban ŭch đah ntŭk dữ liệu ngih dak đah nuĭh ƀon lan. N’gâng kan Công an nkoch kloh, dữ liệu ngih dak đah nuĭh ƀon lan lah nkô̆ nău gay tâm ban nău mbơh mpeh chuh vaccine njrăng n’gang Covid-19 kơt nău mbơh êng bah nuĭh ƀon lan, rƀŏng tât rhŏ nău rgâl mrô neh dak. N’gâng kan dak si an gĭt, hăn tât jăng lơi nău mbơh dak si tâm dak yor aƀaơ mô hôm ƀư tĭng joi F0, F1. Yơn lah hôm e mât nău mbơh dak si đah nuĭh năch dak bah dih lăp Việt Nam.

Nuĭh rblang: Y Sưng Phê Ja