Bar nar dŭt pơh bah năp, ta nkual Tây Nguyên geh 3 rơh rmok dak ƀư 8 kon se khĭt. Tâm rnoh nĕ geh 4 kon se khĭt tâm nău rmok dak geh ta măng nar pơh (19/5), ta xă Phú Hội, nkuăl Đức Trọng, n’gor Lâm Đồng. 4 kon hŏk bah 6 tât 10 năm deh, tâm jă hăn n’glău dak bah kơi bưu điện xă Phú Hội ŭm. Tâm rnôk ŭm, ngoăy tâm 3 oh geh mbĭr jâng rmok dak.

3 oh hôm ƀa ƀă joi trong kơl yơn geh rmok dak tĭng nsum. Tâm nar pơh (19/5), ta xă Ea Tih, nkuăl Ea H’Leo, n’gor Dak Lak, 2 mon mhe 4 năm n’hanh 5 năm deh, dơi nuĭh bên saơ khĭt ta n’glău dak thôn 4, xă Ea Tih. Nău rmok dak tal 3 geh ta xă Ea Kao, nkual ƀon têh Buôn Ma Thuột, n’gor Dak Lak, ƀư 2 oh jêt gŭ ta ƀon H’Đơk, xă Ea Kao, khĭt. Nkô̆ nău dơi năl yor trôk duh, ăp mon tâm jă hăn n’glău yor nuĭh ƀon lan kuih ta mir gay ŭm n’hanh geh rmok dak. Aƀaơ, dôl nchrăp tâm khay rlu nti, nău kan dơi kan đă me bơ̆ uănh tât, groi nđôi oh kon se rjăp lơn gay n’hŭch đêt nău sôt rmanh, tâm nĕ geh nău rmok dak.