Nar 15/5, Bộ Y tế ký siƀŭt n’glêh an dŏng 3 ntil vaccine mhe lah vaccine njrăng n’gang ji luh mham rih, njrăng n’gang nău ji zona thần kinh n’hanh vaccine njrăng n’gang ji klơm soh.

Nău  an dŏng 3 ntil vaccine dja gŭ tâm trong nchrăp bah Bộ Y tế, Hội đồng ŭch an dŏng hŏ uănh năl mpeh nău đăp  mpăn n’hanh nău  tam bah ăp  ntil vaccine dja lor rnôk n’gluh dŏng ta Việt Nam. Aơ lah ăp ntil vaccine hŏ dơi dŏng ta âk  dak lam ntŭr neh.  Bác sĩ Bạch Thị Chính, Giám đốc Y khoa lam trong kan chuh n’gang VNVC an gĭt dôl nsrôih gay ơm ndơ̆ ăp vaccine rơh mhe dja rhŏ dŏng an nuĭh ƀon lan Việt Nam. Vaccine njrăng n’gang ji luh mham rih tă bah hãng dược phẩm Takeda (Nhật Bản) ƀư njêng. Vaccine Shingrix njrăng n’gang nău ji zona thần kinh tă bah hãng dược phẩm GSK (Bỉ) ƀư njêng. Vaccine Pneumovax 23 (njrăng n’gang nău ji klơm soh) tă bah hãng dược phẩm MSD (Mỹ) ƀư njêng.