Nău kơl dja kơl nuĭh âk năm deh mô hŏ geh rvăt ndơ dŏng săm jin'hŭch prăk dŏng, geh tay nău dơh nơih tât ăp ndơ rhŏ dŏng mât uănh săk soan. Nuĭh dơi ntop kơl geh rnoh năm deh bah tŏng 60 năm deh tât bah dâng 75 năm deh, geh mbơh dăn gŭ ta n'gor Dak Lak n'hanh mô hŏ geh rvăt ndơ dŏng săm ji. Rnoh ntop kơl đah 100% rnoh prăk rgop rvăt ndơ dŏng săm ji tĭng nău ntrŭnh aƀaơ, tâm ban nklăp 1.366.200 prăk/nuĭh/năm. Prăk dŏng ƀư yor tơm prăk n'gor Dak Lak mât đăp mpăn, dơi n'gluh tâm trong nchrăp trok prăk ăp năm. Nchrăp, ăp năm Dak Lak ntêm an rlău 114 rmen prăk gay an ƀư trong kơl dja. Êng năm 2026, nău ntop kơl dơi ƀư bah nar 30/10. Trong kơl rgop pơk hvi rnoh âk rvăt ndơ dŏng săm ji, lơn lah đah rmôt nuĭh âk năm deh mô hŏ mpeh tâm rnoh dơi ngân sách ngih dak ntop kơl. Bah meng nê, kơl nuĭh ƀon lan n'hŭch prăk but, săm ji, n'hŭch nău an sŏk êng prăk mô lah mbrơi săm ji tă bah jêr jŏt wăng sa.