Tât aƀaơ, n’gor hŏ but săm an rlău 2,5 rkeh nuĭh ƀon lan, geh rlău 82% rnoh nuĭh. N’gor Dak Lak an ƀư trong nchrăp but săm n’hâm suan, sơch n’hanh njrăng uănh lor nău ji an nuĭh ƀon lan ntơm bah khay 6/2026.

N’gor tâm pă nklăp 400 rmen prăk bah tơm ndơ ntop sŏk geh tay rđĭl đah trong nchrăp sŏk dŏng n’hanh trong nchrăp n’gluh dŏng prăk ngân sách n’gor năm 2025 hôm ƀa ƀă, tâm pă an ăp n’gâng kan tâm dâng ƀư, đah rnoh âk kơl trok 350.000 prăk/nuĭh/but săm. Wa Phạm Minh Hữu, Groi Giám đốc Sở Y tế n’gor Dak Lak, an gĭt, lôch rnôk Nghị quyết mbrô 72 dơi n’gluh an dŏng, tĭng ƀư nău rđău đă bah Tỉnh ủy, Sở hŏ rdâk njêng trong nchrăp but săm n’hâm suan an nuĭh ƀon lan. Tĭng wa Phạm Minh Hữu, nchrăp, pah kan dja mbra dŭt jêh tâm n’gul khay 12 năm aơ.