Rƀŏng tât di nkah 76 năm nar tahen sôt rmanh, tahen khĭt, Công ty TNHH du ntŭk kan 715 (Binh đoàn 15) ƀư nau khám n’hâm soan ăp rơh ndrel pă dak si mô roh prăk ân công nhân, nŭih pah kan bah rmôt kan ndrel ăp nŭih geh dơi kơl tâm xã n’har bri bah n’gor Gia Lai. Geh ƀư ntơm lơ 20-27/7, Ngih dak si Tahen-ƀon lan tâm rgop-Công ty TNHH du ntŭk kan 715 hŏ khám ân 1.200 nŭih pah kan, Bí thư chi bộ, bu ranh ƀon, kruanh ƀon, nŭih geh bu rnơm, tahen sôt rmanh, ăp rnăk geh dơi kơl tam ăp xã Ia O, Ia Khai, Ia Chía, nkuăl Ia Grai, n’gor Gia Lai gay ma saơ ơm nau ji mô lah nau tât khuch bah nau ji gay ma năn saơ nau ji.

Jêh rnôk khám ndrel pă mbơh mpeh n’hâm soan, Công ty ƀư pă dak si mô geh roh prăk ân ăp rnăk ƀon lan. Nau kan khám, pă dak si mô toh prăk ân công ty 715 ƀư ăp năm đah nkô̆ nau ƀư ueh nau pă, mbơh n’hâm soan, pah kan tĭng nau ntrŭnh. Nkre mbơh, khám n’hâm soan, săm nau sôt rmanh ân nŭih ji, nŭih geh kơl an, nŭih geh bu rnơm, kruanh thôn, bu ranh ƀongay ma mât n’hâm soan, n’hao nau rêh. Di rnôk aơ, công 715 hôm ƀư nau pă 300 nklâm ndơ ân ăp nŭih dơi kơl tâm nkuăl Ia Grai./.