Tĭng Bác sĩ Phạm Hoài An, Nhih dak si Thiện Hạnh, n’gor Dak Lak, kêng măng 22/11, Khoa Cấp cứu bah nhih dak si mhe dơn 17 kon se nti lăp nhih dak si đah nău mpơl ji khêh ndơ sa. Na nê̆: 17 kon se nti jrô 5B, nhih nti Tiểu học Lý Thường Kiệt, xã Ea Tu, nkual ƀon têh Buôn Ma Thuột, lăp nhih dak si tâm rnôk ngo măt, mƀưm hok n’hanh ji ndŭl djroh.

Tĭng nău nkoch bah nai ntĭm chủ nhiệm jrô 5B lah nuĭh kon se lăp nhih dak si săm ngăch, bah năp nê ăp kon se nti dja geh ngêt trà sữa dơi pla tăch bah meng nhih nti. Aƀaơ n’hâm suan bah ăp kon se hŏ sĭt ngăch dăng tay. Tăng geh nău mbơh, n’gâng kan dak si nkual ƀon têh Buôn Ma Thuột hŏ dơi njêng mpôl jŭr hăn ôp uănh pah kan đah nhih nti n’hanh sŏk ntil trà sữa gay uănh năl./.