Lôch năl geh 2 tơm nuh srê kik djăr A (H5N1) ta bar rnăk mât kik djăr ta xã Ea Kly, nkuâl Krông Pách,  Ntŭk rgum mât kân kop ji n'gor Dak Lak hŏ kan nsum đah n'gâng kan thú y n'hanh n'gâng kan ta ntŭk an ƀư âk trong njrăng, n'gang gay nking nchăng nuh srê kik djăr A/H5N1 ntoh luh ta kik djăr n'hanh geh ma nău ntưp rêng tât nuĭh.

Tĭng nê, Ntŭk rgum mât kân kop ji (CDC) n'gor Dak Lak hŏ ƀư hăn ôp uănh, groi nđôi nău ji nuh srê kik djăr ntưp ta nuĭh ta xã Ea Kly, nkuâl Krông Pách; Kan nsum đah Nhih pah kan Thú y nkoch trêng an nuĭh ƀon lan gĭt nău kik djăr khĭt ndal n'hanh njrăng đă nuĭh ƀon lan mô dơi nchuăn rdeng, nkhĭt roch, tăch puăch kik djăr mô gĭt kloh tơm luh, lơn lah kik djăr khĭt. Ntŭk rgum mât kân kop ji hŏ sŏk ntil mham uănh năl n'hanh ntĭm nti nuĭh ƀon lan trong an manh gŭ rgum êng, tĭng groi  nđôi n'hâm suan 21 nar gay nking nchăng nău ntưp rêng bah kik djăr tât nuĭh. Aƀaơ, lĕ rngôch ăp ntil mham ŭanh năl mô mpơl ntưp đah nuh srê kik djăr A (H5N1) da dê.

VOV Tây Nguyên/Nuĭh rblang: Điểu Thân