VOV4.M'nông: Mhe aơ, ăp nar n'gor Dak Lak năl geh rlău 2 rbăn nuĭh ntưp Covid-19 ta lĕ rngôch 15 nkuâl, thị xã, nkual ƀon têh. Êng nkual ƀon têh Buôn Ma Thuột lah ntŭk geh rnoh nuĭh F0 dŭt âk bah n'gor, ăp nar năl geh rlău 1 rbăn nuĭh ntưp Covid-19 tâm ƀon lan. Lơn âk nuĭh ntưp ta rnoh năm deh ntơm bah 18 tât 45, rnoh kon se ntơm bah 0 tât 11 năm deh âk bơi 19%.

Ta năp nău tât krit nji bah nuh srê Covid -19 rnôk rnoh âk nuĭh ntưp ji hao mbro tâm ăp nar rlău aơ, n'gor Dak Lak hŏ rđău đă ăp Trung tâm y tế nkuâl pơk tay ntŭk săm nuĭh ntưp ji Covid -19, njêng ntŭk săm an kon se ntưp ji Covid -19 jru ta nkual jay E bah Nhih dak si nkual Tây Nguyên. Êng nkual ƀon têh Buôn Ma Thuột hŏ kơi ntop tay âk nuĭh kan an ăp Trạm y tế gay ntop kơl mât chăm, săm F0 ta jay./.

Nuĭh rblang: Điểu Thân