Ôi 22/3, N’gâng kan dak si n’gor Dak Lak ƀư rƀŭn nchră mít tinh rƀŏng tĭng Nar lam ntur neh njrăng n’gang hiăn. Tâm năm 2023 lam dak lĕ saơ bơi 107.000 nuĭh ntưp hiăn ăp ntil, hao bơi 2.300 nuĭh ji nkôp đah năm 2022, tâm ban nklăp 2,2%.

Việt Nam hôm e dak dâk tal 11 tâm 30 dak geh rnoh nuĭh ji hiăn âk ngăn lam ntŭr neh. Êng ta n’gor Dak Lak tâm năm 2023 mhe rlău kơp dơn rlău 1.000 nuĭh ntưp hiăn, hao nklăp 10% nkôp đah ăp năm 2022 n’hanh 2021, yơn hŭch âk nkôp đah năm bah năp srê Covid-19. Nkô̆ nău nuĭh ji hiăn ta Dak Lak hao tâm năm 2023 geh khuch yor srê Covid-19, yor rmôt dak si bâh dâng lăp nău kan njrăng n’gang srê.