Rlău 2.700 kônh wa ta 6 xã nkual jru ngai bah nkuâl Ea H’leo, n'gor Dak Lak lor nchră sơch n'hanh but săm dơm an nuĭh ji hiăn.

Bôk nău kan tă bah Ntŭk rgum ntop kơl nău blău  kan mhe n'hanh hun hao nsum mpôl (SCD), mpeh Bộ Khoa học n'hanh Công nghệ kan nsum đah Nhih dak si klơm soh Dak Lak ƀư ntơm bah 9/11 tât lĕ nar (15/11). Aƀaơ, rnoh âk nuĭh ji hiăn n'gor Dak Lak hôm  ta rnoh 170 nuĭh/100.000 nuĭh; hôm âk nuĭh ji hiăn tâm ƀon lan mô hŏ  gĭt năl, ngăch săm. N'gâng kan dak  si Dak Lak hŏ sơch n'hanh săm nuĭh ji  tâm ƀon lan. Tâm  rơh dja, Ntŭk rgum ntop kơl nău blău  kan mhe n'hanh hun hao nsum mpôl (SCD) ntop kơl sơch n'hanh but săm ta 6 xã bah nkuâl Ea H'leo, n'hanh ntoch jong tâm 6 nar, rnoh âk nklăp 2.700 nuĭh, lĕ rngôch dơi chụp phim X-quang; rnôk năl geh ji mbra sŏk n'hak uănh năl n'hanh lah geh mpơl ntưp nău ji hiăn mbra dơi săm dĭl.

VOV Tây Nguyên/Nuĭh rblang: Điểu Thân