Chi cục mât rong n’hanh thú y n’gor Dak Lak lĕ pă rlău 38 rbăn dĭng vaccine njrăng n’gang ndrăng ta so, eo an 15 nkuăl, nkual têh, nkual ƀon têh ta n’gor. Rlău 1 pơh ƀư, ăp ntŭk lĕ chuh geh rlău 50% trong nchrăp. Tâm rnoh rlău 38 rbăn dĭng vaccine njrăng n’gang an mpôl so, eo, nkual ƀon têh Buôn Ma Thuột lah ntŭk dơi pă âk ngăn đah rlău 7.500 dĭng, 3 ntŭk dơi pă rlău 4 rbăn dĭng lah ăp nkuăl Cư Kuin, Krông Pắc n’hanh Ea H’leo.

Aƀaơ, nău kan thú y lĕ ƀư tiăr nti an cán bộ thú y ƀư trong kan chuh, tŏng ăp chuh di kỹ thuật n’hanh đăp mpăn an nuĭh hăn chuh; Ƀư nkoch trêng đah ndeh hăn ăp ntŭk an ăp nkuăl, nkual têh, nkual ƀon têh tâm nar chuh vaccine ndrăng. Nkre ntĭm rđău ăp Ntŭk mât rong n’hanh dak si mpa rong ƀư trong nchrăp chuh tĭng ntŭk chuh ta ntŭk n’hanh ƀư rmôt chuh hăn ăp ntŭk rhŏ an nuĭh ƀon lan ta jay.