VOV4.M'nông: Ta năp nău năl geh tay ăp njêng săk mhe BA.4 n'hanh BA.5 ta Việt Nam đah rnoh ntưp rêng ngăch rlău ăp ntil êng ƀa ƀă, ntơm bah nar 7/7-31/7/2022, n'gor Dak Lak dơn geh tay rlău 100 rbăn dĭng vaccine njrăng n'gang COVID -19 rơh 25 gay tŏng ăp nkrum lam vaccine an ƀon lan. Đah 110.100  dĭng vaccine njrăng n'gang COVID -19 rơh dja, Dak Lak mbra dơi tât rnoh rmôt ntơm bah 12 năm deh let lơ chuh n'glai nkah tay 1, 2 geh rlău 90%; Rmôt kon se ntơm bah 5-11 năm deh geh tât rnoh chuh vaccine rlău 90%.

Gay rơh chuh vaccine tâl 25 dơi tât rnoh ndơ̆ luh, Ntŭk rgum mât kân kop ji n'gor Dak Lak hŏ nsŏng kơl an UBND n'gor n'hanh Sở Y tế gay rđău đă nău lăp kan dăng lơn bah lam trong kan chính trị bah n'gor tât nkuâl n'hanh xã, nkre n'hao dăng pah kan nkoch trêng an nuĭh ƀon lan, gay nuĭh ƀon lan wât chuh vaccine lah gay njrăng n'gang nuh srê mô di lah njrăng n'gang nău ji, nău chuh vaccine lah nău geh an săk  he nơm, lah nău dơn êng bah ăp nuĭh ƀon lan./.

Nuĭh rblang: Điểu Thân