Tĭng nau mbơh bah Ntŭk kan nkân njrăng srê ji n’gor Dak Lak, tâm n’gor mhe geh kơp dơn du nŭih khĭt yor ji rtoh trong mham Dengue. Aơ lah nŭih khĭt yor ji kop rtoh luh mham rih bôk năp tâm n’gor kơp ntơm bôk năm tât rnôk aơ. Nŭih khĭt lah kon se bu ur, deh năm 2016, tâm nkuăl têh Buôn Hồ, n’gor Dak Lak geh năl lah Viêm cơ tim/ji kop rtoh luh mham rih Dengue jâk.

Jêh rnôk kơp dơn nŭih ji kon se khĭt yor rtoh luh mham rih, Ntŭk kan nkân njrăng srê ji tâm n’gor Dak Lak hŏ mbơh nau nŭih ji aơ tât ntŭk kan ngih dak si nkual têh Buôn Hồ, ntĭm mbơh ăp nau kan mêt uănh, rklaih ntŭk ntu gŭ âm, mêt uănh véc tơ ntưp rêng nau ji ndrel puh dak si hoá chất nkhĭt măch. Nkre nkoch mbơh ân nŭih ƀon lan ăp nau kan njrăng rdâng ji rtoh luh mham gur Dengue./.