Ta ngih dak si têh nkual Tây Nguyên đah nău nchroh năl sốc nhiễm trùng, nhiễm trùng mham sôt âk ntŭ tâm trôm săk, nău ji jâng ti mbung độ 4, tĭng uănh sôt klơm hô.

Nuĭh ji lah oh bu klô deh năm 2022, ta tổ dân phố 1, phường Thiện An, nkuăl têh Buôn Hồ. Aơ lah nuĭh bôk năp khĭt yor nău ji jâng ti mbung ta Dak Lak tâm năm aơ. Bâh bôk năm tât aƀaơ, lam n’gor lĕ geh kơp dơn 76 nuĭh ntưp nău ji jâng ti mbung, ta ăp nkuăl, nkuăl têh. Aƀaơ Dăk Lăk ta khay mih, lah nău dơh nơih gay ma nău ji jâng ri mbung ntưp n’hanh âk ntil nău ji ntoh luh. Lah mô geh ngăch saơ n’hanh ngăch săm, nău ji jâng ti mbung mbra jêng tât ăp nău ji êng, mbra dơh geh nău khĭt rmanh an oh kon se.