Ăp nar  rlău aơ, rnoh kon se lăp nhih dak si săm ta Nhih dak si nkual Tây Nguyên tă bah ji  ndŭl djroh hao ngăch. Dŭt njrăng, âk kon se lăp nhih dak si tâm nô nău jru hô  tă bah nău uănh lhơ bah me bơ̆.

Ta Khoa Nhi tổng hợp, Nhih dak si Nkual Tây Nguyên, kon se  lăp nhih dak si săm tă bah ji ndŭl djroh geh ăp ntil năm deh, dŭt âk lah kon se 5 năm deh. Ntơm bah bôk năm tât aƀaơ, geh nklăp 500 kon se ji ndŭl tât but săm ta Khoa. Ăp nar mhe aơ, rnoh kon se lăp nhih dak si  săm n’hanh nău ji ndŭl djroh hao âk lơn, rĭng ntơm bah 20- 25 nuĭh ăp nar. Đah rnoh âk kon se  geh ji ndŭl djroh nar lơn ma âk lah nău nkah njrăng lor gay ăp me  bơ̆ njrăng uănh khlay lơn tâm  nău tĭng ƀư  ăp trong nkra gay njrăng n’gang nău ji ndŭl djroh ta kon se, yor ji ndŭl djroh lah nkô̆ dâk tâl 2 ƀư  jêng khĭt ta kon se bah dâng 5 năm deh./.