Wa Nguyễn Đại Phong, Giám đốc Ngih dak si Đa khoa nkuăl Tây Nguyên, ta Dak Lak mbơh, tât rnôk aơ, Ngih dak si ê geh ƀư dơi nau rvăt dak si ndrel ndoh ndơ dŏng tâm ngih dak si tĭng nau ntrŭnh mrô 30 ndrel Nau ntrŭnh 07 yor hôm nkol âk nau kan geh tât luật đấu thầu. Nkoch tât nau kan aơ, wa Nguyễn Đại Phong ân lah, nau ntrŭnh 30 ndrel nau ntrŭnh 07 ntơm luh mô di lah ăp rmôt kan bah ngih dak si mra dơi ƀư nkre mpeh nau kan rvăt năp dak si, ndơ dŏng dak si, ma ân geh ƀư tŏng săm ƀŭt đấu thầu du trong ueh tâm di.

Rơh ƀư ăp nau đấu thầu vay roh ntơm 4-6 khay. Êp nê, yor ăp ntil ndơ dŏng lah ndơ rvăt tă bah dak ba dih, tâm rnôk aơ nau pă tăch ndơ aơ kŏ kol yor nau khuch bah srê ji ndrel tâm lơh, ri ma bol ma nkol tât ntrong ƀư ntrŭnh, nau kơl an yơn kŏ ê geh ndơ gay ma rvăt./.