Tĭng nau mbơh bah ntŭk kan nkân njrăng srê ji (CDC) n’gor Dak Lak, tâm n’gor mhe kơp dơn geh du hê kon se geh nau ji viêm não Nhật Bản. Aơ lah kon se ji viêm não Nhật Bản tal 2 kơp ntơm bôk năm 2023 tât rnôk aơ. Nŭih ji lah kon se bu klô deh năm 2019 tâm xã Tân Tiến, nkuăl Krông Pắk, n’gor Dak Lak. Lơ 16/6, kon se geh nau ji kop duh. Tât lơ 19/6, păng luh hok, leo tât ngih dak si săm tâm ngih dak si nkuăl Krông Pắk.

Lơ 20/6, kon se ji jru lơn ri geh lao tât Ngih dak si Đa khoa nkuăl Tây Nguyên gay ma săm, đah nau năl lah duh kn’hăt mô kloh tơm, tĭng uănh n’ôi tâm rngok, tĭng uănh n’ôi trong mham. Lơ 23/6, geh năn tă bah xét nghiệp MAC ELISA yor Viện vệ sinh Dịch tễ Tây Nguyên năl lah kon se ntơm ma nau ji IgM Viêm não Nhật Bản. Rnôk aơ kon se dôl geh bu săm rjăp, săm tâm ngih dak si Đa khoa nkuăl Tây Nguyên. Kon se aơ ê geh tă chuh đah dak si njrăng rdâng viêm não Nhật Bản./.