VOV4.M’nông – Tĭng rnoh kơp bah Ntŭk uănh nđôi kop ji n’gor Dak Lak, kơp tât nar 28/9, lam n’gor kơp dơn 729 nuĭh ntưp jâng ty mbung hao rlău 30% nkôp đah rơh aơ năm 2021. Rnoh nuĭh ntưp ta 15/15 nkuăl, nkual têh, nkual ƀon têh bah n’gor, tâm nĕ du đêt ntŭk geh nuĭh ntưp jâng ty mbung âk kơt nkual ƀon têh Buôn Ma Thuột, nkuăl Buôn Đôn, Cư M’gar, Krông Pách n’hanh nkual têh Buôn Hồ.

Nai dak si Khoa Nhi-Ngih dak si Đa khoa nkual Tây Nguyên but uănh an kon se

Wa Lê Phúc-Groi Kruanh ntŭk uănh nđôi kop ji n’gor Dak Lak an gĭt, gay nking n’gang ntưp rêng bah ji jâng ty mbung, nău kan dak si Dak Lak mbra uănh nđôi rjăp nu nău srê, ngăch saơ ơm ăp ntŭk srê mhe, nchoeng n’gang, mkra rjăp ntŭk srê n’hanh ntop kơl gưl bah dâng nău nking n’gang ntŭk srê, săm ngăch, săm rnôk mbăn.

VOV Tây Nguyên/  Nuĭh rlang: Y Sưng Phê Ja