8 ntŭk srê ntoh ta nkuăl Lắk, Ea Kar, M’Drắk n’hanh nkual ƀon têh Buôn Ma Thuột, tâm nĕ nkuăl Lắk n’hanh Ea Kar lah 2 ntŭk geh rnoh nuĭh ntưp âk ngăn đah 39 n’hanh 38 nuĭh. Ăp nuĭh ntưp ji âk ngăn lah kon hŏk n’hanh mô hŏ geh chuh vaccine njrăng n’gang rtoh luh.

Tĭng nai dak si Trần Thúy Minh, kruanh khoa nhi tổng hợp, Ngih dak si Đa khoa nkual Tây Nguyên, kaman ƀư ji rtoh luh dơi dăp rmôt kaman ntưp ngăch, lah mô dơi chuh kaman n’hanh mâp đah nuĭh ntưp ji ri dơi ntưp âk. Gay n’hŭch ntưp n’hanh ntưp rêng rtoh luh, trong mkra bôk năp lah chuh vaccine njrăng n’gang srê. Lah kon se geh ji an ndơ̆ tât ngih dak si gay ăp nai dak si uănh năl n’hanh săm ngăch.