Ntŭk kan nkân njrăng srê ji (CDC) n’gor Dak Lak mhe kơp dơn nŭih bôk năp khĭt yor srê rtoh luh mham tâm năm aơ. Nŭih khĭt deh năm 2013 tâm Phường Thành Công, Nkuăl ƀon têh Buôn Ma Thuột, n’gor Dak Lak. Tĭng nŭih tâm rnăk vâl, lơ 10.8 nŭih saơ ji kop duh mro, rgănh ndrel geh nŭih tâm rnăk vâl ân ngêt dak si bah duh yơn mô saơ bah ri geh leo tâm Ngih dak si Nhi Tâm Đức gay ma săm. Lơ 14/8, nau ji lơn ma hô ri geh leo tât Ngih dak si Đa khoa nkuăl Tây Nguyên gay ma săm, đah nau năl lah ji luh rtoh luh mham Dengue.

Lơ 15/8, nau ji lơn ma jâk hô ndrel jêh nê khĭt. Jêh rnôk kơp dơn nŭih khĭt yor ji rtoh luh mham, CDC hŏ tâm rgop nsum ma Ngih dak si Nkuăl ƀon têh Buôn Ma Thuột ntrŭnh ƀư nau kan mêt uănh, rklaih rep ntŭk ntu, puh dak si nkhĭt măch tâm ntŭk geh nŭih ji, khĭt. Ntơm bôk năm 2024 tât rnôk aơ, n’gor Dak Lak geh 1.453 nŭih ji rtoh trong mham, tâm nê geh du hê nŭih aơ khĭt./.