VOV4.M’nông – Tĭng rnoh kơp bah Ntŭk uănh nđôi kop ji n’gor Dak Lak, bah bôk năm tât nar 31/7, Dak Lak lĕ kơp dơn 2.451 nuĭh ntưp duh rtoh trong mham, hao 5,1 tơ̆ nkôp đah rơh năm 2021, geh du hê khĭt. Tâm nĕ, nkuăl Ea Súp kơp dơn 267 nuĭh, nkual ƀon têh Buôn Ma Thuột 258 nuĭh n’hanh nkuăl Buôn Đôn 214 nuĭh.

Nuĭh ji duh rtoh trong mham dôl săm ta ngih dak si nkuăl Ea Súp

Aƀaơ 15 nkuăl, nkual têh, nkual ƀon têh lĕ saơ 140 ntŭk srê duh rtoh trong mham. Rmôt kan dak si lĕ mkra puh dak si, răk ntŭk ntô gŭ âm. Nău kan dak si nchroh mbơh hô ngăn srê duh rtoh trong mham mbra geh tâm khay 8/2022. Wa Ngô Thị Minh Trinh, Groi Kruanh UBND nkuăl Krông Pắk an gĭt: nkuăl lĕ ntĭm rđău an rmôt kan dak si n’hanh ăp ntŭk rgŏ jă nuĭh ƀon lan kơt: bĭch kăt mŭng, nkhĭt măch, rhai dak, răk kloh uĕh ntŭk ntô gŭ âm gay n’hŭch srê ntưp rêng.

Nuĭh rblang: Y Sưng Phê Ja