Ôi 7/4, UBND n’gor Dak Lak ƀư Lễ mít tinh tĭng Nar n’hâm suan lam ƀon lan năm 2026 đah nkô̆ “Lor nchrăp njrăng n’gang ji– Yor du Việt Nam ngăch dăng”. Ta rơh lễ, kruanh rđău kan UBND n’gor lah rjăp n’hâm suan lah ndơ n’gâng tơm đah săk geh nău rêh bah nuĭh ƀon lan n’hanh nău hun hao jŏ jong bah n’gor.

Nsing ta nê, ăp gưl, ăp n’gâng kan ntrôl dăng nkoch trêng tay, n’hao nău gĭt êng nsum mpôl mpeh mât chăm n’hâm suan; nkre ntuh kơl n’hao săk tam rhŏ dŏng dak si, n’hao nău dơi njrăng, n’gang n’hanh rdâng lơh đah geh ma nău nuh srê. Tâm rnôk rgâl duh nđik trôk nar n’hanh nuh srê rŭ hôch âk nău rmoh rman, nuĭh ƀon lan dơi njrăng đă lor njrăng n’gang nău ji bah ơm, bah ngai, rdâk njêng nău rêh kloh uĕh, rgop njêng ntŭk gŭ rêh srăch uĕh.