Ta n’gor Dak Lak dôl năl geh rnoh ntưp ji jâng ti mbung ta kon se hao âk. N’gâng kan dak si ta ntŭk dôl n’hao âk trong lơh hŭch bah rnoh âk ntưp mhe tâm ban kơt săm geh nău tam an nuĭh ji. Ntơm bah bôk năm tât aƀaơ, n’gor Dak Lak năl geh 602 nuĭh ntưp ji jâng ti mbung ta kon se, hao 10% rđĭl đah ndrel khay dja năm e nơh, mô hŏ geh nuĭh khĭt.

Du đêt ntŭk geh rnoh ntưp ji âk kơt phường Buôn Ma Thuột, Tuy Hoà, ăp xã Sông Hinh, Krông Pắk, Liên Sơn Lắk, Buôn Đôn, Cư M’gar…Bác sĩ Hoàng Hải Phúc, Giám đốc Ntŭk rgum kan mât kân kop ji n’gor Dak Lak an gĭt, trôk nar duh r’ôl ƀư geh ma nău ntoh nău ji jâng ti mbung hô. N’gâng kan dak si n’gor Dak Lak dôl lor nchrăp ăp trong njrăng, n’gang nuh srê, nkre mbơh nkoch âk nău lư, nkoch trêng gay n’hao nău gĭt êng njrăng n’gang nău ji bah nuĭh ƀon lan.