VOV4.M'nông: Bác sĩ Hoàng Hải Phúc, Groi Giám đốc Mât uănh ntŭk rgum mât kân kop ji n'gor Dak  Lak an gĭt, pah kan njrăng n'gang ji luh mham rih ta n'gor Dak Lak mâp âk jêr jŏt yor mô tŏng dak si puh tơm nuh srê. Tâm pơh rlău aơ, n'gor Dak  Lak năl geh tay 8 tơm nuh srê ta nkuâl Lăk, n'hao lĕ rngôch tơm nuh srê ta n'gor hao rlău 40 ntŭk, đah rlău 1 rbăn nuĭh ntưp ji luh mham rih. Tĭng wa Hoàng Hải Phúc, Groi giám đốc mât ŭanh Ntŭk rgum mât kân kop ji n'gor Dak Lak, đah ăp tơm nuh srê mhe ntoh ân geh du rnoh dak si âk gay puh nkhĭt kaman wăr ntŭk gŭ  rêh. Yơn lah, aƀaơ ta ntŭk kan mô hôm geh dak si, Viện Vệ sinh dịch tễ Tây Nguyên n'hanh Sở y tế n'gor mhe pă an đê̆ đă dơm, mô tŏng gay ƀư puh lam hvi ta ăp tơm nuh srê. Tĭng wa Hoàng Hải Phúc, gay nking nchăng geh ma nău ntoh luh ji luh mham rih tâm rnôk dak si dôl mô tŏng, n'gâng kan dak si dŭt ŭch geh rơh lăp kan bah ăp nsum mpôl  n'hanh n'gâng kan ta ntŭk, lơn lah nău gĭt êng bah nuĭh ƀon lan tâm  nău kuaih kloh uĕh ntŭk gŭ rêh, nkhĭt tăp măch./.

Nuĭh rblang: Điểu Thân