Tĭng nău mbơh bah Ntŭk rgum mât kân kop ji n'gor Dak Lak, ta n'gor mhe năl geh 2 ntŭk nuh srê rtoh luh lah Lắk n'hanh nkual ƀon têh Buôn Ma Thuột. Lôch rnôk năl geh ăp nuĭh ntưp ji, mpôl kan dak si hŏ ƀư groi nđôi ôp ŭanh nuh srê ăp nuĭh. Ƀư puh ChloraminB nkhĭt kaman n'hanh phăt ChloraminB an ăp nhih nti năl geh nuĭh ntưp nuh srê rtoh luh puh nkhĭt kaman ăp nar.

Nkre ntĭm nti  ăp rnăk geh nuĭh ji mât kloh ŭeh săk jăn ăp nar, nkoch trêng, ntĭm nti nuĭh ƀon lan tâm xã chuh vaccine nuh srê rtoh luh nkre  rnôk  geh ăp nău mpơl ji  kơt kop duh, luh pŭk dak hăn mbơh tât nhih dak si gay nkra năn ngăch dĭl. Tĭng ntŭk rgum mât kân kop ji n'gor Dak Lak, ntơm bah bôk năm tât aƀaơ lam n'gor năl geh 44 nuĭh ntưp nuh srê rtoh luh, geh ta ăp nkuâl, thị xã, nkual ƀon têh. Nuĭh way ntưp nuh srê rtoh luh lơn âk geh ta kon se ta nâm 15 năm deh n'hanh way geh ta ăp nhih nti Mầm non n'hanh Tiểu học.