VOV4.M'nông: Nar 12/8, tĭng nău mbơh bah Ntŭk rgum mât kân kop ji (CDC) n'gor Dak Lak, ta n'gor năl geh mbro 2 hê nuĭh khĭt tăch bah ntưp ji luh mham rih. Aơ lah nuĭh khĭt tâl 4 n'hanh tâl 5 tă bah ji luh mham rih ta n'gor. Nuĭh ji mhe khĭt tă bah ji luh mham rih gŭ ta Thị trấn Ea Đrăng, nkuâl Ea H’Leo, n'gor Dak Lak.

Bah năp nê, nar 10/8, Dak Lăk geh nuĭh ji luh mham rih tâl puăn khĭt, gŭ ta tổ dân phố 4, phường Tân An, nkual ƀon têh Buôn Ma Thuột, n'gor Dak Lak. Rlău ma 5 nuĭh khĭt, kơp tât nar 12/8, ta n'gor Dak Lak hŏ năl geh bơi 3.200 nuĭh ntưp ji luh mham rih ta 15 nkuâl, thị xã, nkual ƀon têh, âk rlău 5 tơ̆ rđĭl đah năm e nơh./.

Nuĭh rblang: Điểu Thân