VOV4.M’nông- Tĭng rnoh kơp bâh ntŭk kan mât njrăng nău ji n’gor Dak Lak, bâh bôk khay 10 tât aƀaơ, nău ji duh luh mham rih ta ntŭk geh ntưp âk jêr njrăng, rnoh ntưp mhe hao âk n’hanh mbro geh kơp dơn nuĭh khĭt yor nău ji luh mham rih.

Dak Lak mbơh nău kan mât kloh ueh ntŭk gŭ rêh bah ntưp nuh srê

Kanŭng tâm 10 nar bôk khay 10 lĕ geh bơi tât 500 nuĭh ntưp nău ji luh mham rih, n’hao lĕ rnoh nuĭh ntưp tâm năm 2022 ta Dak Lak lĕ hao rlău 7 rbăn nuĭh. Nău dŭt nkah, bâh bôk khay 10 tât aƀaơ n’gor lĕ kơp dơn geh 2 hê nuĭh khĭt yor luh mham rih. Tĭng wa Hoàng Hải Phúc, groi Giám đốc mât nău kan ntŭk kan mât njrăng nău ji n’gor Dak Lak, đah nău mih ntoch jong tâm ăp nar ba năp ta n’gor, nău kop duh luh mham rih mbra geh trong hao tâm let năp tay. Gay ma njrăng nău ntưp hao bâh nău ji luh mham rih, n’gâng kan dak si n’gor Đăk Lăk lĕ n’hao nău kan mbơh tơih, n’hao nău gĭt vât bâh ƀon lan tâm nău njrăng nău ji. Mbơh tơih ăp nău kan mât kloh ueh ntŭk gŭ rêh, nkhĭt măch rhoăy tât ta ăp thôn, ƀon, rnăk vâl.

VOV Tây Nguyên/Nuĭh rblang: Thị Đoắt