Dak Lak dôl tâm yan mih, lah rnôk dơh an măch ƀư kop ji duh rtoh luh mham rih hun hao. Tĭng Ntŭk uănh nđôi kop ji (CDC) n’gor Dak Lak, bah bôk năm 2024 tât aƀaơ, lam n’gor kơp dơn rlău 300 nuĭh ntưp duh rtoh luh mham rih ta 15/15 nkuăl, nkual ƀon têh. Rnoh ntưp rgum âk ta nkual ƀon têh Buôn Ma Thuột, nkuăl Ea Kar n’hanh Krông Pắc.

Tĭng uănh năl nsum, Dak Lak dôl ntơm tâm yan mih, yan dơh an kop ji duh rtoh luh mham rih hao âk n’hanh dơi ntoh ta lam hvi. Wa Hoàng Hải Phúc, Giám đốc CDC Dak Lak an gĭt, gay uănh nđôi uĕh srê duh rtoh luh mham rih, nău kan dak si lĕ n’hao tâm rgop ăp ngih pah kan mbơh nkoch ntrôl dăng nkoch trêng mpeh trong kan njrăng n’gang; n’hao trong kan groi nđôi nu nău kop srê ta lam n’gor, kơp uănh ăp ntŭk hô mpeh srê duh rtoh luh mham rih gay ngăch mkra.