Tâm 2 khay aơ ta n’gor Dak Lak năl geh mbro 2 hê nuĭh khĭt tă bah ji luh mham rih. Rnoh âk nuĭh ntưp ji luh mham rih hao mbro. N’gâng kan dak si n’gor Dak Lak dôl n’hao âk trong ƀư mât kân ăp ntŭk duh hô mpeh ji luh mham rih n’hanh ntrôl dăng nkoch trêng njrăng n’gang nău ji dja.

Tĭng Ntŭk rgum mât kân kop ji n’gor Dak Lak, ntơm bah bôk năm tât aƀaơ, lam n’gor năl geh bơi 4.400 nuĭh ji luh mham rih, tâm nê geh 2 hê nuĭh khĭt. Rnoh nuĭh ntưp ji rgum âk tâm khay 8 n’hanh khay 9 đah bơi 4.000 nuĭh. Nkual ƀon têh Buôn Ma Thuột n’hanh nkuâl Cư M’gar lah 2 ntŭk geh rnoh nuĭh ntưp ji luh mham rih dŭt âk. Bah năp nău tât krit nji bah nuh srê ji luh mham rih, n’gâng kan dak si Dak Lak hŏ ntrôl dăng pah kan nsum đah ăp n’gâng kan, ăp nkuâl gay puh kloh uĕh ntŭk gŭ rêh ta ăp tơm nuh srê; dăp rgum ăp tŏng tay Ban rđău đă njrăng n’gang nuh srê n’hanh n’hao dăng mât kân ăp ntŭk duh hô mpeh nuh srê gay năn ngăch nkra lơh bah./.