N'gor Dak Lak dôl mô tŏng hang rbăn nuĭh kan tâm n'gâng kan dak si ƀư jêng nău lhăt bêng ir nuĭh ji ta âk ntŭk. N'gâng kan dak si Dak Lak nchrăp mbra ndơ̆ jao khối Y tế Dự phòng an ủy ban nhân dân ăp nkuâl, thị xã nkual ƀon têh gay rgop bah geh nău dja.

Tĭng Sở Y tế Dak Lak lam n'gor dôl mô tŏng rlău 1700 biên chế nuĭh kan dak si, n'hanh geh tât rnoh 7,15 bác sĩ/rmưn nuĭh rđĭl đah quy định lah 8 bác sĩ/1 rmưn nuĭh ƀon  lan. Nău lhăt bêng ir nuĭh ji dôl geh âk ta ntŭk kan dak si n'gor, đah rnoh âk dŏng nsưng bĭch ji ta rnoh 110% tât 130%. Gay nkra bah nău dja, n'gâng kan dak si Dak Lak nchrăp mbra ndơ̆ jao khối Y tế Dự phòng sĭt an ăp nkuâl mât dŏng n'hanh ntuh kơl na nê̆. N'gâng kan dak si dôl rdâk njêng du Đề án dŏng ăp bác sĩ bah dih lăp but săm ji ta nhih dak si nhih dak n'hanh trok prăk nkhôm tâm di đŏng.