VOV4.M’nông: Lơ 16/2, Ngih dak si Đại học Buôn Ma Thuột (ta Phường Tân An, nkuăl ƀon têh Buôn Ma Thuột, n’gor Dak Lak hŏ ƀư nau ntơm leo lăp dŏng. Ngih dak si geh rnoh ntuh kơl rlau 600 rmen prăk, nau dăng leo lăp kan geh 200 nsưng bĭch săm đah ăp chuyên khoa tơm kơt: Ngoại tổng quát, Ngoại thần kinh; Nội Tổng hợp, phụ sản, rmôt kan kơl an deh nse IVF; ji play nuih, uănh năl rup gui; xét nghiệm, uănh ndrel săm ung thư, săm ji sêk...Ngih dak si geh nchrăp ăp ntil ndơ uănh năl rup ndrel săm tĭng trong ueh mhe. Nau ntơm leo lăp kan bah Ngih dak si Đại học Buôn Ma Thuột mra kơl an n’huch oi nau jâk ân ngih dak si mpeh ba lơ, ngăn lah nau tŏng nau dơi ŭch bah ƀon lan mpeh ăp nau kan prêh kơl an leo dŏng nau săm play nuih, ngoại khoa, săm nŭih mô geh kon...đah nau kan ndrel nau ƀư tŏng dơi nau kơp dơn bah lam ntur neh./.

Nŭih rblang: H’Thi