VOV4.M’nông - Tĭng nău mbơh bah Ntŭk uănh nđôi kop ji n’gor Dak Lak, n’gor mhe kơp dơn tay du hê Covid-19 khĭt. Aơ lah nuĭh khĭt tal 273 yor Covid-19 ta n’gor. Nuĭh ji deh năm 1947, ta thôn 4, xă Hòa Tân, nkuăl Krông Bông. Bah năp nĕ, nar 25/9, nuĭh ji geh duh, ji ŏk, hăn but uănh ta ngih dak si nkuăl Krông Bông, săm mô bah jêng hăn ngih dak si Đa khoa nkual Tây Nguyên. Ta aơ nuĭh ji dơi ƀư test ngăch Covid-19 n’hanh an saơ ntưp đah kaman SAS-CoV-2.

Nuĭh ji Covid-19 dôl săm ta ngih dak si Đa khua nkual Tây Nguyên.

Ndrel nar, nuĭh ji dơi njŭn nkual sam Covid-19 ta Ngih dak si Đa khoa nkual Tây Nguyên. Jêh 5 nar săm dŭt n’hâm, yor săk ranh lŏ ntưp âk nău ji ơm kơt: ji leh ndal, mô uĕh trong mham, hao huyết áp, chrach njŭng type 2, nuĭh ji khĭt tâm nar 30/9. Dôl uănh, nuĭh ji mô chuh vaccine njrăng n’gang Covid-19.

VOV Tây Nguyên/ Nuĭh rblang: Y Sưng Phê Ja