VOV4.M'nông: Nuh srê luh mham rih ntưp hô ta nkuâl n'har bri Ea Súp, n'gor Dak Lak rnôk nuĭh lăp nhih dak si nar lơn ma hao âk. Tĭng nchih rgum bah ntŭk rgum kan dak si Ea Súp, n'gor Dak Lak, bol mô hŏ lăp tâm khay mih yơn lam nkuâl hŏ năl geh 117 nuĭh ntưp ji luh mham rih, hao 115 nuĭh rđĭl đah ndrel khay dja năm 2021.

Hŏ geh 113 nuĭh ân lăp nhih dak si săm. Ji luh mham rih dôl ntưp rêng ngăch ta xã Cư M’lan n'hanh thị trấn Ea Súp đah 24 thôn, ƀon, tổ dân phố ntoh ăp nuĭh ji. Bác sĩ Kiều Thị Thanh Hà, Trung tâm Y tế nkuâl Ea Súp an gĭt, nhih pah kan hŏ dăp rgum 12 rmôt rdâng lơh nuh srê gay groi nđôi, nkra lơh ngăch ăp tơm nuh srê. Nkre, an ntĭm nti nuĭh ƀon lan ăp trong nkhĭt tăp măch, lor nchrăp njrăng n'gang ji luh mham rih lor geh ma nău nuh srê ntoh luh hô rnôk lăp tâm khay mih./.

Nuĭh rblang: Điểu Thân