VOV4.M’nông – Tĭng ntŭk uănh nđôi kop ji n’gor Dak Lak, ta n’gor mhe kơp dơn tay du hê nuĭh khĭt yor Covid-19. Aơ lah nuĭh tal 2 ta Dak Lak khĭt yor Covid-19 tâm khay 10 aơ. Nuĭh khĭt deh năm 1932, gŭ thôn Bắc Trung, xă Ea Tân, nkuăl Krông Năng.

Nkual săm nuĭh Covid-19 ta Ngih dak si nkual Đa khoa nkual Tây Nguyên.

Ta năp nĕ, nar 3/10, nuĭh ji gŭ ta jay ji ok, duh, nkre siăk âk jêng hăn but uănh ta Ngih dak si nkuăl Krông Năng, jêh uănh năl test ngăch ntưp đah Covid-19. Ndrel nar, nuĭh ji dơi njŭn nkual săm Covid-19 ta Ngih dak si Đa khoa nkual Tây Nguyên. Jêh 10 nar săm dŭt n’hâm, yơn yor săk ranh n’hanh đah chôt ndal ơm, mô tŏng mham n’hanh mô chuh vaccine njrăng n’gang Covid-19 jêng nuĭh ji lĕ khĭt.

VOV Tây Nguyên

Nuĭh rblang: Y Sưng Phê Ja