VOV4.M’nông- Tĭng nău mbơh tơih nar 4/8 bâh ntŭk kan mât njrăng nău ji CDC n’gor Dak Lak, ta n’gor mhe geh kơp dơn tay du hê nuĭh khĭt yor kop luh mham rih. Aơ lah nuĭh ji tal 2 khĭt yor nău kop luh mham rih ta Đăk Lăk bâh bôk năm tât aƀaơ. Nuĭh ji lah V.V deh năm 1968, ta thôn 2, nkuăl têh Buôn Trấp, nkuăl Krông Ana, n’gor Dak Lak. Tĭng nuĭh bên ta rnăk vâl, nar 20/7, V.V geh duh hô, rgănh lam săk, lĕ geh ngêt dak si yơn mô bah.

Tât nar 23/7, nuĭh ji hăn uănh năl n’hanh lăp săm ta ngih dak si têh Thiện Hạnh. Ta ngoh dak si Thiện Hạnh, lôch nĕ geh ndơ̆ tât ngih dak si têh Tây Nguyên đah nău năl lah kop luh mham rih Dengue nar tal 7 đah nău hô. Tât 8 mông măng ndrel nar, nuiđh ji geh ndơ̆ tât ngih dak si Chợ rẫy, nkuăl ƀon têh Hồ Chí Minh. Tât nar 30/7, nuĭh rnăk vâl ndơ̆ sĭt, ta trong sĭt lĕ tăch n’hâm. Kơp tât nar 3/8, ta n’gor Dak Lak kơp dơn geh 2.646 nuĭh ntưp kop luh mham rih ta 15 nkuăl, nkuăl ƀon têh.

Nuĭh rblang: Thị Đoắt