VOV4.M'nông: Tĭng nău mbơh bah Ntŭk rgum mât kân kop ji (CDC) n'gor Dak Lak, nar 9/8, ta n'gor năl geh nuĭh  tâl 3 khĭt tă bah nău ji luh mham rih, kơp ntơm bah bôk năm tât aƀaơ. Nuĭh ji deh năm 1971, ta phường Ea Tam, nkual ƀon têh Buôn Ma Thuột. Tĭng rnăk nuĭh ji, nar 27/7, nuĭh ji geh mpơl kop duh, ji bôk, nho lam săk, hăn ăch dak hŏ ngêt dak si yơn mô gĭt kloh ntil nău ji mô saơ hŭch bah.

Tât nar  01/8, nuĭh ji dơi rnăk rdeng njŭn tât Nhih dak si Thiện Hạnh lôch nê rdeng hăn tât Nhih dak si nkual Tây Nguyên đah nău nchroh ji luh mham rih Dengue nar tâl 5 geh nău mpơl nkah njrăng lor/ Môr klơm siêu vi B jŏ bah. Tât nar 03/8, tă bah nău ji jru, nuĭh ji dơi rdeng tât Nhih dak si Chợ Rẫy. Nuĭh ji khĭt tâm nar 7/8. Rlău ma 3 nuĭh khĭt, kơp tât nar 9/8, n'gor Dak Lak hŏ năl geh 2.970 nuĭh ntưp ji luh mham rih, hao rlău 5 tơ̆ rđĭl đah ndrel khay dja năm e nơh./.

Nuĭh rblang: Điểu Thân