VOV4.M'nông: Nău lư bah Nhih dak si nkual Tây Nguyên, mhe năl geh tay nuĭh khĭt tă bah ji luh mham rih Dengue. Aơ lah nuĭh tâl 8 khĭt tă bah ji luh mham rih tâm năm 2022 ta n'gor Dak Lak. Nuĭh ji deh năm 1988, ta thôn 5, xã Hòa Lễ, nkuâl Krông Bông.

Bah năp nê, nar 25/9, nuĭh ji kop duh, lêt rgănh, gŭ ta jay săm êng ma dak ji bah duh kop. Nar 28/9, nuĭh ji mƀưm hok, lêt rgănh, dơi rnăk rdeng tât Trung tâm Y tế nkuâl Krông Bông săm. Tât 8h măng ndrel nar, nuĭh ji rgâl jêng ji jru jêng rdeng hao tât nhih dak si nkual Tây Nguyên. Tă bah ji jru, nuĭh ji khĭt nar 30/9 đah nău nchroh: bih kaman jêng djôr lam nuih klơm ji luh mham rih Dengue nar 5. Ntơm bah bôk năm tât aƀaơ, ta n'gor Dak Lak hŏ năl geh 6658 nuĭh ntưp ji luh mham rih, tâm nê 8 nuĭh hŏ khĭt./.

VOV.VN

Nuĭh rblang: Điểu Thân