VOV4.M’nông-Kêng măng nar 7/6, UBND n’gor Dak Lak ƀư rơh rƀŭn nchră trực tuyến đah ăp ntŭk gay ma uănh năl nău ngăch chuh vacxin njrăng Covid-19 ta ntŭk. Kơp tât rnôk aơ, n’gor Dak Lak lĕ geh dơn rlău 3 rkeh 600 rbăn dĭng văcxin njrăng Covid-19 ăp ntil. N’gor lĕ geh ƀư chuh an ăp nuĭh bâh 5 năm deh let lơ, tâm nĕ, ăp nuĭh bâh 12 năm deh let lơ lĕ geh chuh tŏng 2 nglai geh bơi tât 96% let lơ n’hanh 26% du nglai an rmôt bâh 5 tât 11 năm deh. Ta Dak Lak lĕ geh bmơh chuh 3 nglai, nglai 4 an ăp nuĭh bâh 18 năm deh let lơ yơn nău geh lôch chuh mô âk, nglai 3 kanŭng geh 33%, tâm nĕ geh 5 nkuăl geh ba dâng 30%, nglai 4 kanŭng geh 0,5%. Đah nău chuh vacxin mbrơi kơt aƀaơ Dak Lak hôm nha rmeh 37.105 ding vacxin. jêng ntŭk tâm rmôt n’gor geh rnoh chuh vacxin njrăng Covid-19 dŭt đê̆ ta lam dak. Gay ma ntrôl ngăch nău chuh vacxin njrăng Covid-19 n’gor Dak Lak ntĭm đă ăp ntŭk an geh mbơh ƀư tay ăp nău kan chuh vacxin njrăng Covid-19 geh ăp nău mpŏng ngluh mbơh, nkre lah đă ăp ntŭk kan, mpôl kan an hăn lor bôk năp tâm nău chuh vacxin.

Nŭh rblang: Thị Đoắt