VOV4.M’nông: Lơ 14/10, rmôt hăn kan bah N’gâng kan dak si, yor wa Bùi Khánh Toàn, Groi Viện Vệ sinh Dịch tễ Tây Nguyên ƀư kruanh hŏ geh nar pah kan đah Ngih dak si Đa khoa nkuăl Tây nguyên ndrel Ntŭk kan nkân njrăng srê ji n’gor Dak lak mpeh nau njrăng rdâng srê rtoh luh dôk tâm n’gor. Tĭng nau mbơh tâm nar pah kan, jêh rnôk geh nau mbơh nkah geh srê rtoh luh dôl bah ntŭk kan dak si lam ntur neh, N’gâng kan dak si Dak lak năn n’hao nau rdâng ndrel ƀư mêt uănh tâm ăp ntrong bah nkuăl n’har bri.

Jêh rnôk Việt Nam geh kơp dơn nŭih ji rtoh luh dôk bôk năp tâm kuăl ƀon têh Hồ chí Minh, ntŭk kan dak si hŏ mbơh nchră đah UBND n’gor Dak Lak ntrŭnh nau kan njrăng rdâng srê rtoh lu dôk, ntĭm mbơh ân ăp rmôt nau dai si tâm lam ntŭk săm ndrel njrăng. Ngih dak si Đa khoa nkuăl Tây Nguyên kŏ nchrăp dnơ dŏng, dak si dak si tâm nau ƀư khám, pă, săch nkah ndrel lah saơ nŭih ntưp srê rtoh luh dôk. Gay n’hao nau tam bah nau njrăng, rdâng rtoh luh dôk, rmôt kan kơl mbơh nchră gay ma ƀư tay ăp Rnâng kan rđau nau njrăng rdâng srê, n’hao nau kan mêt uănh, rđau nau njrăng, rdâng srê lam n’gor, ngăn lah ăp nkuăl mra geh nau ntup./.

VOV/Nŭih rblang: H’Thi