VOV4.M'nông: Ntơm bah bôk năm tât aƀaơ nkual ƀon têh Buôn Ma Thuột năl geh 12.304 nuĭh ji Covid -19, âk bơi 1 n'gul rnoh nuĭh ji ta Dak Lak. Bol ma rnoh nuĭh ntưp Covid-19 âk, yơn tă bah rnoh dơi chuh vaccine âk (97% nuĭh ƀon lan dơi chuh tŏng 2 n'glai n'hanh 50% rnoh nuĭh dơi chuh n'glai 3), jêng rnoh nuĭh ji rgâl jêng nău ji jru n'hanh ân rgâl nhih dak si mô âk.

Tâm lĕ rngôch rnoh rlău 12 rbăn nuĭh ji Covid-19 săm ta jay, hŏ geh bơi 4.700 nuĭh bah ji, dơn geh 22 nuĭh ân rgâl jêng nău ji jru dơm, âk 0,17%. Tĭng nău njrăng đă bah n'gâng kan dak si, bol ma rnoh nuĭh rgâl jêng jru ân lăp nhih dak si đêt, yơn nuĭh ƀon lan mô dơi uănh lhơ. Nuĭh ƀon lan lah mô lap geh ntưp ji ân nkân nkân, lơi ir rvê; lĕ rngôch ăp nuĭh ân tĭng ƀư jăp 5K, lơi ir rsong hăn, mâp âk nuĭh. Rnôk saơ mpơl geh nău mha êng mpeh n'hâm suan ân hăn uănh ngăch COVID-19 ta jay. Lah geh ntưp, ân mbơh an mpôl kan dak si ta ntŭk he gŭ gay dơi mbơh nti săm  ji./.

Nuĭh rblang: Điểu Thân